Zodiac Sign: जगण्यात कधी कुठलं वळण येईल, हे कुणीच सांगू शकत नाही. पण काही काळ असे येतात जेव्हा नशीब देखील स्वतःहून हातात हात घालायला येतं. ज्योतिषशास्त्रात सांगितलं जातं की शनी म्हणजे कर्माचं फळ देणारा देव. तो कठोर असतो, पण न्यायप्रियही. तो मेहनतीचं योग्य फळ देतो, आणि चुकीचं केलं तर त्याची शिक्षा देखील वेळेवर देतो. आता १३ जुलै २०२५ पासून शनी देव आपल्या मार्गावरून वक्री होतोय म्हणजेच उलट दिशेने चालायला लागतोय, आणि ही चाल काही राशींसाठी सोन्यासारखी ठरणार आहे. या वक्री चालीत तब्बल १३८ दिवस शनीचा परिणाम राशीचक्रावर जाणवणार असून काही लोकांच्या नशिबाची चक्क उलटी गिनती सुरू होणार आहे म्हणजे मागे जे काही अडकलं होतं, ते आता हळूहळू गती घेणार आणि घरात लक्ष्मीचा वास होणार. Zodiac Sign
या काळात शेतकऱ्याचं रान फुलणार, नोकरदाराला प्रमोशनचा दिलासा मिळणार, व्यापाऱ्याला अडकलेला व्यवहार पूर्ण होणार आणि विद्यार्थ्यांना मेहनतीचं फळ मिळणार. कष्ट केल्यावर आता यश नक्कीच मिळेल असा हा वक्री शनीचा काळ. चला पाहूया कोणत्या ५ राशींना हा बदल जबरदस्त फायदा देऊन जाणार आहे…
वृषभ : हातात येणार जुनी रक्कम, मान-सन्मान वाढणार
वृषभ राशीच्या लोकांसाठी हा काळ अतिशय फायदेशीर ठरणार आहे. जे काही वर्षांपूर्वी गुंतवणूक केली होती, तिचा फायदा मिळेल. जुने अडकलेले व्यवहार मार्गी लागतील. ज्यांना सरकारी योजनांचा लाभ मिळायचा होता पण काही ना काही कारणानं थांबत होता, त्यांच्यासाठी शनीची वक्री चाल शुभ ठरेल. नोकरीत वरिष्ठांकडून मान्यता मिळेल, आणि सामाजिक स्तरावरही तुमचं नाव होईल. घरात एखादं शुभकार्य ठरेल आणि लांबलेले निर्णय आता होणार.
मिथुन : नशिबाने दार ठोठावलंय, आता केवळ पाऊल पुढं टाका
मिथुन राशीच्या लोकांना नोकरीत मोठी संधी मिळण्याची शक्यता आहे. पदोन्नती, पगारवाढ याचा योग्य वेळी लाभ मिळेल. ज्यांचा स्वतःचा व्यवसाय आहे, त्यांना नवीन करार, भागीदारी किंवा नव्या ग्राहकांची भेट होईल. बऱ्याच काळापासून वाट पाहत असलेल्या काही महत्वाच्या जबाबदाऱ्या आता तुमच्या अंगावर येतील आणि तुम्ही त्या समर्थपणे पार पाडाल. शनीच्या कृपेमुळे तुमच्या मेहनतीला दाद मिळेल आणि तुम्ही समाजात आदराचा मान मिळवाल.
कर्क : अडकलेले पैसे मिळणार, परदेश योग जुळणार
कर्क राशीच्या लोकांसाठी हा काळ भाग्य उजळवणारा आहे. परदेशी नोकरीसाठी प्रयत्न करणाऱ्यांना चांगली संधी मिळेल. जे विद्यार्थी अभ्यासात मेहनत घेत होते पण यश लांब वाटत होतं, त्यांना आता फळ मिळू शकतं. आध्यात्मिक दृष्टिकोन वाढेल आणि आयुष्यातील अनेक प्रश्नांना उत्तरं मिळायला सुरुवात होईल. जे पैशाचं नुकसान झालं होतं, ते परत मिळण्याची शक्यता आहे.
कन्या: लग्नयोग तयार, जुन्या नात्यांमध्ये गोडवा येणार
कन्या राशीच्या लोकांचं खासगी आयुष्य गोंधळलेलं वाटत होतं, पण आता त्यात सुधारणा होईल. विवाहयोग जुळण्याची शक्यता आहे. घरातील नातेसंबंध अधिक गहिरे होतील. पूर्वी झालेल्या गैरसमजांतून बाहेर पडण्याची वेळ आहे. काही नव्या भागीदाऱ्या आणि संबंध सुरू होतील जे व्यवसायासाठी उपयुक्त ठरतील. मानसिक शांतता मिळेल.
मकर: बोलण्यातून होईल जादू, व्यवसायात मिळणार यश
मकर राशीच्या लोकांचा आत्मविश्वास शनी वक्री चालीत प्रचंड वाढणार आहे. बोलण्यात गोडवा येईल आणि त्यामुळे व्यवहार सहज होतील. भावंडांशी संबंध बिघडले असतील तर आता ते सुधारतील. छोट्या प्रवासातून मोठा फायदा होईल विशेषतः व्यवसायिक पातळीवर. लेखन, संभाषण किंवा सोशल मीडियाशी संबंधित क्षेत्रात असणाऱ्यांना चांगली संधी मिळू शकते.
(Disclaimer: वरील दिलेली माहिती ही प्रसारमाध्यमांच्या आधारे आहे याबाबत आमच्याकडे कुठलाही पुरावा नाही)
हे पण वाचा | 2027 पर्यंत या राशींचे नशीब बदलणार, शनी देणार नुसता पैसा! या तीन राशी आहेत भाग्यवान