Zodiac Sign | जगात कितीही संकटं आली, तरी नशिबाच्या गाठीशी जर शुभ ग्रहांची साथ असेल, तर माणूस सगळ्या अडचणी पार करतो. असंच काहीसं या महिन्याच्या अखेरीस घडणार आहे. कारण, येत्या २६ जूनपासून नवग्रहातील शुक्र ग्रह आपल्या नवे नक्षत्रांत प्रवेश करणार आहे आणि यामुळे तीन राशींचं नशिब फुलणार आहे. एवढंच नव्हे, तर ज्यांच्यावर बरेच दिवस वाईट काळ चालू होता, त्यांच्यासाठी हा बदल एक नवा सूर्योदय ठरणार आहे. Zodiac Sign
गावाकडं आपण म्हणतो, “शुक्र चालला की सुख येतं” अगदी तसंच घडणार आहे काही निवडक राशींसोबत. आता या राशी कोणत्या, आणि कोणते बदल त्यांच्या जीवनात घडणार आहेत, हे आपण सविस्तर पाहू…
तूळ राशी: गरिबीचा काळ संपून समृद्धीकडे वाटचाल!
तूळ राशीच्या लोकांनी गेल्या काही महिन्यांत बरेच अपयश पाहिलं असेल. कधी घरात कलह, कधी नोकरीत अस्थिरता, कधी पैशांची चणचण एक ना अनेक अडचणींनी जीवन वेढलेलं होतं. पण २६ जूननंतर शुक्र ग्रह कृतिका नक्षत्रात प्रवेश करताच, या लोकांचे भाग्याचे दरवाजे उघडतील.
घरासाठी जागा बघत असाल, तर ती नक्की मिळेल; गाडीचं स्वप्न पाहत असाल, तर आता ती प्रत्यक्षात येईल. नोकरीत प्रमोशन मिळेल, जुनी ओळख पुन्हा उजळेल. आणि विशेष म्हणजे, कौटुंबिक वाद मिटून घरात शांती नांदेल. अचानक काही प्रवासाचे योग जुळून येतील आणि ते प्रवास सुद्धा फायदेशीर ठरतील. स्त्रियांना या काळात सोनं-चांदीसारख्या वस्तू खरेदीचे योग येतील. एकंदरीत, शनीच्या काळानंतर शुक्राचा वरदहस्त या राशीवर पडणार आहे.
हे पण वाचा | Rashi Bhavishya: या तीन राशींचे भाग्य उजळणार! तयार झाला मोठा राज योग, कोणत्या आहे या राशी
सिंह राशी: आत्मविश्वासाचा प्रकाश झळकणार!
सिंह राशीचे लोक स्वभावाने नेहमीच कणखर असतात, पण मागच्या काही महिन्यांत त्यांनी स्वतःची ताकदही विसरलेली होती. अपयश, तणाव, आर्थिक अडचणी यांनी त्यांची चमक जरा मंदावलेली होती. पण आता २६ जूननंतर त्यांच्यावर पुन्हा आत्मविश्वासाचा प्रकाश पडणार आहे.
नवीन जबाबदाऱ्या, पगारवाढ, सरकारी नोकरीतील स्थिरता यासारख्या गोष्टी या काळात घडतील. व्यवसायात नव्या क्लायंट्सशी करार होतील. काही जुन्या संपर्कातून मोठं काम मिळेल.
पुढे जाऊन, कुटुंबातही वातावरण सकारात्मक राहील. एखाद्या मोठ्या योजनेत गुंतवणुकीचा विचार करत असाल, तर वेळ उत्तम आहे. शुक्र ग्रह सिंह राशीला पुन्हा सिंहासारखी चाल देणार आहे.
वृषभ राशी : अडकलेले पैसे, हरवलेलं समाधान पुन्हा मिळणार!
वृषभ राशीच्या लोकांनी काही काळ आर्थिक गोंधळाचा सामना केला आहे. कुणीतरी उधारी परत दिली नाही, गुंतवणूक अडकली, की रोजचा खर्च झेपेनासा झाल अशा अनेक समस्या त्यांनी झेलल्या. पण आता २६ जूनपासून त्यांच्या नशिबाची फाईल पुन्हा उघडणार आहे.
या काळात अडकलेले पैसे परत मिळण्याचे योग आहेत. व्यापाऱ्यांना चांगली नफ्याची डील मिळू शकते. विद्यार्थ्यांनाही या काळात उत्तम यश मिळण्याची शक्यता आहे. आत्मविश्वास वाढेल, आरोग्य सुधारेल, वैवाहिक जीवनात आनंद नांदेल. गावातल्या भाषेत सांगायचं झालं, तर ‘देव सुचतोय आता’.
(Disclaimer: वरील दिलेली माहिती प्रसार माध्यम व इतर माहिती स्त्रोतांच्या आधारे आहे याबाबत आम्ही कुठलाही दावा करत नाही.)
